Kabhi gham yun bhi hota hai,Keh sansain toot jati hain

Kisi ki rah tak tak ker,Nigahain sookh jati hain

Jinhen ana ho jeewan main,Wohi aanay nahi paatay

Jinhen ana ho khwabon main,Wo rastay bhool jatay hai.

Kabhi gham yun bhi hota hai

Jahan dil apna khilta hai,Waheen mausam badalta hai

Hamain jo naam lena ho,Amanat aur ki ho wo

Hamai jo baat kerni ho,Sira wo mil nahi pata.

Kabhi gham yun bhi hota hai

Jahan phoolon ki aahat ho,Khizan bhi tan ke aati hai

Koi dharkan sunaey gee,Hamain kya raaz ki batain

Kabhi jab aankh dil per ho,To dil hi mil nahi paatay.

Kabhi gham yun bhi hota hai

Keh lawa bhi nahi pata,Khwahish aesi hoti hai

Mager hum roo nahi saktay,Sar-e-maqtal kharay ho ker

Kabhi tum ko pukarain to,Sada'ain mil nahi saktee.

Kabhi gham yun bhi hota hai

Keh mar janay ko dil chahay,Koi marnay nahi deta

Kabhi gham yun bhi hota hai

Hamain hi gham kyun hota hai?Usay gham kyon nahi hota?