Mr. R.K. (a school teacher) Amritsar se Haridwar gaya hua tha yeh koi 4-5 saal pehle ki baat hai.Main apko seedhe wahin le chalta hoon. Wahan ek police station ke bahar woh dekhta hai ki 6-7 police wale apas main khusar phusar kar rahe the aur ek Aurat Police Station ke ander ro rahi thi. R.K. unki baatcheet sun ne ke liye unke paas chala jaata hai aur apne mobile phone ko apne kaan par laga leta hai aur aise acting karta hai jaise ki woh Mobile par baat kar raha hai aur uski police walon ki baat sunai nahi padh rahi hai Lekin actually uska saara dhayan Police walon ki baaton par hi hai.

1 Policewala-Isko (Aurat) ko kahin bahar Room main le chalte hain.

Baki Policewale - Haan baat sahi hai. (woh sab isi mudde par baat kar rahe the).

R.K. decided to help out that Woman.Woh seedha Police station ke ander chala jaata hai. Woh aurat bahut Beautiful thi aur apne poore hosho hwas main bhi nahi thi.

R.K. to Thanedaar- Iss Aurat ka kya problem hai?

Thanedar - Yeh train main travel kar rahi thi kisi ne isko chai main nasheeli dawa pila di jis se yeh behosh ho gayi aur iska saara smaan chori ho gaya.

R.K. to Woman- Aap kahan se aa rahi thi?

Woman (in semi unconscious state)- Punjab Bathinda se aur aap?

R.K.( Hairaan hokar) - Main bhi Punjab se Amritsar se.

Aurat ne usko saari detail batai.

R.K. - Aap mere sath chalogi?

Woh Aurat ekdum se taiyaar ho gayi.

Jab woh dono Police station se bahar nikle toh wahan khadi constables hairaan ho gaye kyonki unki yojna par pani phir chuka tha.

Us Aurat se theek se chala bhi nahi ja raha tha. R.K. uske nahane ka intezaam kiya. R.K. ka dil uss auart par aa gaya tha (R.K. was already Married). Usne us Aurat ko khana khilaya. Isse uski halat main kuch sudhar hua.

R.K.-Kyon na hum log kisi hotel Room rent par lele.

Lekin woh aurat koi response nahi deti hai.

Raat ko woh log ek Bus par swar hote hain taki Railway station par jakar Train par swar hua ja sake.Abhi Bus chali bhi nahi hoti ki subah wale 4-5 Constables Bus main aa chadte hain.

Policewale to R.K. – Tum iss aurat ko kahan le ja rahe ho? Chalo tum neeche utro aur madam aap bhi neeche aao.

Aurat – Dafa ho jao Haramzado tum subah jo mere liye planning kar rahe the woh maine bhi sun li thi. Bhag jao nahi toh chila chila ke saari duniya ko tumhari kartoot bata dungi.Policewale ghabra ke 1 second se bhi pehle 9 to 11 ho jate hain.

Rialway staion par jaakar us Aurat ki tabiyat phir kharab ho jaati hai. R.K. 2 ticket le leta hai. Train jaane main abhi 4-5 ghante hote hain. Uss Aurat ke legs main bahut pain hota hai aur usse bikul bhi chala nahi jaata. R.K. latfarm par uski legs dabata hai. R.K. ke mann ka shitaan phir hawi ho jaata hai.

R.K- Abhi train aane main 3-4 ghante hain kyon na hum Log Hotel main chale jaye.

Aurat – Dekhiye mujko koi aitraaz nahi. Apne mujko uss Police Station se bachaya. Mujko nehlaya Khana khilaya. Aapne mujhe Train ki ticket leke di. Aapne meri itni sewa ki. Aapme mujko Krishan Bhagwan nazar aate hain. Kahin aisa naa ho Hotel ke room main apki yeh sari Tapasiya beh jaye.

R.K. ki aankhe khul jaati hain.

(R.K. usko ghar tak (Bathinda) chhod ke aata hai. Aaj bhi jab woh Aurat Amritsar aati hai toh R.K. se mil ke jaati hai apni Family ke sath)....