Pata nahi tumhe dekhte hi kya ho jaata hai, I lose control on my sense, kho jaata hu tum me. Apne aap ko paata hu tum me. Kahi door pahuch jaata hu khawab me tumhara haath pakad ke. Lagta hai tum zindagi ban ke aai ho mere liye, kahi marz naa ban jau main tumhare liye. Bas yuhi dekhti raha karo mujhe in pyaar bhari nazaro se aur main zinda rah jaunga, wo sab paa jaunga jo sapno me dekha tha, wo sab kar jaunga jo kabhi tumne chaaha hoga. Bas rahne do mujhe apne paas, thoda kareeb rakh lo, door rahne ka ye dard door kar do, kyonki….
Ham tere bin ab rah nahi sakte
Tere bina kya wajood mera
Tumse juda gar ho jaenge to
Khud se hi ho jaenge juda…
Main bhi khuli aankho se tumhaare khawaab dekhti hu, duniya se bach ke tumhe sochti hu. Mere har pal me tum hote ho, meri aankhe kabhi band bhi ho jae to bhi tum saamne hote ho. Kabhi sochti hu kyu itna kareeb hu tumhare, fir dil hi jawab de deta hai. Tumhare kareeb na rahu to bhi tumhari baaho me rahti hu, kyonki…
Meri baato me tera zikra sadaa,
Meri yaado me tri fikra sadaa
Mere job ho, tum hi to ho
Mujhe tum se mili apni adaa
Aashiqui ka matlab tum se seekh gaya aaj, Tum me kho jaane ki ab aadat si pad chuki hai, Tumhari muskaan ab mere liye saans jaisi hai, bas tum kuch pal dikha jaaya karo, aur kuch nahi chahta main is zindagi se. tumhari khushboo me ek ajab sa sukooon hai, lagta hai ek nai zindagi mil gai. Tumhare aagosh me to lagta hai saari duniya mil jaati hai. tumhare kareeb raha to aur jeena seekh gaya, pata nahi kyo tumhe dekh ke baar baar lagta hai ki…
Tum hi ho ab tum hi ho,
Zindagi ab tum hi ho
Chain bhi mera dard bhi,
Meri aashiqui ab tum hi ho…
Paas raho mere, ye dooriya ab bahot gam dene lagi hai, Aadat si pad gai hai tumhari, kya karu, tumhi se to bani hu, tumhare pyaar ki uchahio se hi meri hasti hai. Tumhare pyaar ki parchhai hamehsa rakhna mere paas. Hamare pyaar ko kuch ho naa jae ye mannat mangugi main. Tumhari hasi tumhe mil jae meri bas yahi ek khushi hogi, Haan, dooriya chahe aa jae par mera aks rahega tumhare paas, kyonki….
Tum hi ho ab tum hi ho,
Arz bhi mera marz bhi,
Meri Aashiqui ab tum hi ho
Soch raha hu tumse door chal jau, tumhare liye marz sa ban gaya hu shayad, mujhe nahi pata mera kya hoga, lekin tumhare liye meri Aashiqui badhti jaa rahi hai. Meri aadat ban gai ho tum, aur meri aadate tumhare liye pareshani ban gai.tumhe kya de paaya, aur kya de sakunga mujhe nahi pata, lekin ishq me koi kami nahi hai.mujhe mitne do, mujhe kahi chale jaane do, daro mat, tum aur main ek hai, bas tumse thoda door rahkar tumhe khush dekhna chahta hu…
Main waha jaa raha hu, jaha se tum mujhe nahi dekh paogi, lekin main tumhari har muskurahat dekh paunga, tumhe khush dekh paunga, tumhare khilkhilate hue chehre ki roshni ko mahsoos kar paunga. Tum bas yuhi khush rahna, mujhe soch kar tootna mat kyonki…
Main jo mit bhi gaya to wajood mera,
Sadaa tujhme rahe zinda.
Kyonki, tum hi ho ab tum hi ho
Zindagi ab tum hi ho
Chain bhi mera dard bhi
Meri Aashiqui ab tum hi ho
Meri Aashiqui ab tum hi ho….