Maine Boat Airdopes 141 use kiya hai lagbhag ek mahine se, aur honestly bolu to is price range me ye kaafi accha perform karta hai.
Sound quality kaafi balanced hai bass lovers ke liye thoda punchy feel aata hai. Main mostly music aur calls ke liye use karta hoon, aur dono me hi clarity sahi milti hai. Gaming ke liye bhi thoda use kiya, low latency mode hai but ekdum zero delay nahi milega, fir bhi casual gaming ke liye thik hai.
Battery life to mujhe sabse achhi lagi full charge pe around 5-6 ghante nikal jaate hain, aur case ke sath to 30+ hours ka backup mil jata hai. Type-C charging milti hai jo fast hai.
Fit bhi comfortable hai, kaan me ache se baith jaate hain. Lekin agar jyada daudna-bhaagna ho to kabhi-kabhi slip karte hain. Mic quality indoor calls ke liye badiya hai, outdoor me thoda background noise aa jata hai.
Ek minor issue mujhe ye laga ki touch controls thode over-sensitive hain. Kabhi-kabhi bina chhue hi pause/play ho jata hai.
Lekin overall, ₹;1200-1500 ke range me agar tumhe ek reliable, stylish aur decent-sounding earbuds chahiye, to Boat Airdopes 141 definitely ek accha option hai.
That’s my opinion guy’s 👍