Viral ho gaya hai, aaj school nai gaya.
Vaise gattu darapok to nahi hai, par use bhoot se dar lagata tha. Abhi bhi lagata hai thora thora par pahle to bahut lagata tha. Mujhe pata hai kee bhoot voot nai hote, par fir bhi lagata to hai dar. Maine Raj do ko bataya to vo hasane lage, bole bullet chalne vale bhoot se nai darate, par mai kabhi akele nai jata tha andhere mein, raat to toilet jana ho to bahut dar lagata tha
Mujhe hanumaan chalisa bhi aati hai poori, log kehate hai usase dar gayaab ho jata hai. main usako japata to hu. par dar to nai jata. Fir jab maine raj da se poocha ki aapko nai lagata kya dar to vo bole ki thora thora to sabko lagata hai, par vo raat ko toilet to jaa sakate hai bina light ke. Maine kaha ki aap majaak urate ho, to fir bole ki jis cheez se dar lagata ho uako kar ke dekh lena chahiye, to fir dheere dheere dar kam ho jata hai. To maine kaha ke bhoot se dar lagata hai, to bhoot ko kaha se dekhu? vo bole ki andhere mein akale baitha kar thori daer roj, to fir dheere dheere nai lagega dar.
Maine kaha akale to nai baith sakata to bole mere saath baith jana. Fir main thore din baitha unake saath, vo muhe bahut darathe the, aur majaak bhi urate the’ bhot aaya, uu u uuu, aur darawani kanai sunate the bhoot ki, andhere main, kai baar to main rone bhi lagata tha ki mat sunao, to vo bolate the kee fir dar kaise jaega? Aisa bahut din tak chala, fir dheere dheere mera dar bhi kam ho gaya. kyoki main dekha ki andhere main to bhhot aata nai hai. isliye kam ho gaya.
hum logo ko jis cheez se dar lagata ho usako kar ke dekh lena chahiye.
darawani kahani ya picture nai dekhani chahiye.
Hanumaan chalisa parani chahiye. Mere dar to nai jata tha usase, par shyad mein theek se nai parata hoonga.
Bhagwan pe bhi viswaas karana chahiye. Vo sabka aacha karata hai.
Darane se kuch nai hota faida. Nuksaan hi hota hai, Isliye darane nai chahiye.
Ab viral theek ho gaya to kal jaenge school. Home work bhi karana hai abhi kal ka.
tata.