Mausam

Baarishon ke mausam main Waqt ke andheron main

Maine us se poocha tha Chorr to na jao ga

Haath tham ker us ne Kaah main yeh bola tha

Kaise chorr sakta hoon Tum to Jaan ho meri

Aur aaj aisa hai Waqt ki tamazat main

Wehshaton ke Mausam main Maine us se poocha hai

Chorr kar hi jaana tha Muskurati galiyon main

Aas kyun dilayi thi Pyaas kyun jagayi thi

Mere in sawalon per Na woh chonka na woh therka

Chalte chalte itna kaha Mausamon ke khel hain sab