Ha ha ha , aap soch rehe hoge ke gattu ke pas kaha se bike aa gayi, par yeh meri nahi hai, raj da ki hai. main to abhi 12 ka bhi nahi hua poora, mujhe kaun dilaega bike. par raj da ke paas hai bullet. kal gattu ne pehali baar bike chaliye - vo bhi bullet !
maine raj da ko bahut dine se bol rakha tha ki, mujhe chalani hai.vo hasne lage, bole tu to kitta sa hai, tu kaise chaliega, bahut bhari bike hai yeh, par maine bahut baar bola to bole, ki sunday ko subah uth jaega 5 baje to main jogging ke time tujhe chalane dunga thori si. to gattu uth gaya 5 baje, sunday ko viase main 10 se pehale nahi uthata, par maine sneha ko bol tha ki utha dena, usase to nahi uthaya , vo khud he nai uthi, alarm se uth gaya mai apne aap, aur fir tyaar ho ke raj da ko aawaz lagai, vo paas ke ghar mein hi rehate hai.
to raj da ne promie kiya tha, to unko deni pari bullet ki sawari, pehale to unhone bahut daraya ki bhari hai, gir jaega, lag jaegee, pehale kabhi chaliye hai, par maine kaha ki kabhi to phale se hi shuru karna parega, ha agar apko apni bike ke tootane ka dar hai to mat do. par unhone mujhe chalane dee.
bullet machismo mein 350 cc ka engine hota hai, yeh alag tarah ki bike hai, jyadatar bike mein left side mein gear hote hai aur right mein brake, par isme to ulta hai. par mujhe to koi farq nahi para kyoki mai to pahali baar hi chala raha tha koi bike. yeh sab baat mujhe raj da ne hi batiye, mujhe to kuch jyada pata nai, mujhe to bas ek baar bike chalani thi bas, par vo mujhe baar baar bolte rehate the ki bullet yeh bullet vo, itni baar bola ki mujhe rat gaya hai, halaki mujhe kuch samajh mein nai aata en cheezo ka matlab jyada, par yaad to ho hi gaya hai.
aur bullet bahut bhari hoti hai, normal bike se 1.5 time jyada, iski petrol ki tanki 14 ltr ki hoti hai, par raj da bolate hai kyoki yeh bhari hoti hai, aur cruiser hai, ’power bike’ (mujhe matlab nai pata, par vo bolate hai ki yeh power bike hai) to iska milage jyada nai hota, 30 bhi bahut muskil se deti hai, kabhi kabhi 20 bhi nai deti, aur bahut paisa lagata hai maintanin karne mein. par unke paas bahut paise hai, to unko to pareshani nai hoti.
maine kaha mujhe shuru se chalanee hai, main start bhi karunga, to unhone kaha ki iski kick bahut khatarnaak hoti hai, rebound martee hai jor se, pair toot jaega agar galat mari to, par maine kaha mujhe karne do start, to bole kar le, , par baad mein mujhe mat bolna. maine 8-20 baar kick mari, par chalu nai hui, ek ek bar kick nai lagati to ek chock jaisa kuch hota hai handle ke right side vale button mein, uko daba kar vapasa marne hoti hai kick, nai to kick itni karak ho jati hai ki lagati hi nai. maine bahut baat maari, par chalu nai hui, fir raj da ne chalu kar ke di, fir main 8-10 baar band kar de, kyoki mujhase kabhi gear nai, lage, kabhi klutch nai chota theek se, to raj da ko gusa aa gaya, vo bole tu meri bike ki aisi taise kar dega, main bhi thora dar gaya, to fir maine kaha aacha rehane do main kabhi chala lunga. fir raj da ne mujhe age baithaya, aur chalti bike ka handle parara diya, maine race tej kar dee aur 80 tak le gaya, fir raj da bole ki ab aur mat dena, nai to gira dega, to fir maine nai diya ccelator aur jyada..
bullet bahut baria chalti hai, 80 main to bahut maja aata hai, par raj da bolate hai, ki isko dheere chalate hai, nawabi tarike se, 30-40 ke bieech main, maine kaha nawabi tarika kya hota hai, nawab ke time to bike hoti hi nai hogi.., to bole ki tu nai samjhega..
unki bike thori purani hai, par ekdum nai jaise lagati hai, kyoki vo bahut maintain karke rehate hai, unhone bataya ki unhone 52, 000/- ki khareedi thi, ab ki price to mujhe maalum nai, aap khud pata laga lena.
raj da ne promise kiya hai ki agale sunday fir chalane denge vo mujhe bullet..
haan, main batana bhool gaya, iski aawaaz bahut aachi hoti hai, dugg duggg dugggg , bahut aacha lagata hai sunane mein...
aur haan, mujhe iki tag line bahut aachi lagati hai - bullet - becaue man dont play with toys, (kyoki mard khilono se nai khelate)... ha ha ha bahut aachi line hai yeh., mujhe bahut pasand hai..
tata