Gattu ke dadaji ko bhagwaan ke paas gaye 2 saal go gaye. main unhe daddu bolata tha.’gattu’ naam bhi unhone hi rakha tha mera, pehale sab mujhe’golu’ bulate par daddu bolate the ki tu bournvita’gat gat’ kar ke pee jata hai ek hee saas mein, to tera naam’gat-tu’ hona chahiye. tab se sab mujhe gattu hi bulate hai. dadi to bahut pehale chali gayi bhagwaan ke paas, daddu bhi challe gaye ab.
vo mujhe bahut pyar karate the aur main bhi. Unko shatranj(Chess) ka bahut shauk tha, unhone mujhe sikhaya bhi, par baad mein vo haar jate the mujhase hee! unko dikhata kam tha, to vo kabhi kabhi, apne hee mohare se apna dusara mohara maar dete the, ha ha ha, ab aise khelenge to kaise jeetega koi, main batata nai tha, kyoki mujhe jeetana hota tha na, isliye nai batata tha.
hum sabko, apne dada dadi ka khayal rakhana chahiye, kyoki unhone hee to tumhare mummi-papa ko itna bara kiya ha na, agar vo nai hote to mummy papa bhi nai hote, fir hum log kaha se aate? isliye unka khayal rahana chahiye.
unki seva karni chahiye, kabhi kabhi haath pair dabane chahiye, kyoki bare logo ke haath pair bahut dukhate hai.
unse baat karni chahiye, ktoti unke paas jyada log nai jote baat karne ko, daddu ke saare dost to bahut pehale hi chale gaye the bhagwaan ke pass.
kabhi kabhi unase kahani sunani chahiye, daddu ko bahut maja aata tha kahani sunane mein, aur jab bhi main bore ho jata tha, to vo mujhe kahani sunate the, har baar nai, unko bahut saari kahani aati thi
unko pyar se rakhana chahiye, mere ek dost ke yaha dadaji hai, par jab bhi main uske yaha jata hoon, maine dekha hai ki vo unka khayal nai rakhete theek se, uske dadaji chircire ho gaye hai es vajah se shayad, aise nai karana chahiye, yeh acchi baat nai hai.
hum sabko apne dada-dadi ka khayal rakhana chahiye, kyoki vo hum logo ko bahut pyar karate hai, mujhe daddu ki bahut yaad aati hai, mujhe’pag ghungaru mera nachi’ vala gana bahut pasand hai. Uske shuru mein jab singer’daddu tum’ bolata hai - vo mujhe bahut aacha laga hai vo sunane mein., aur mujhe apne daddu ki yaad aati hai
tata