Dosti bahut aachi cheez hoti hai. Gattu ke bhi bahut saare dost hai. Gattu unki mada karata hai, aur vo gattu ki. To aisa hee chalta rehata hai. kabhi school mein koi pen nahi lata, to main usako deta hoon, kabhi kabhi, homework bhi karavana parata hai recess mein. kabhi teacher ko pata chal jata hai ki gattu ne tipaya hai, to fir dono ko saath saath bahar khara hona parata hai. par ab dost hai to tum mana bhi nai kar sakate.
Dosti pe bahut sare gaane to nai hai, par fir bhi jo maine sune hai, main aapko bata deta hu uname se meri pasand ke:
’Dosti’: Junoon ka gana hai yeh. mujhe es band mein sabse aacha vo lambe baat vala lagata hai, vo gora bhi bahut hai aur gata bhi aacha hai, par abhi usane ganjikarava lee hai shayad. ab mujhe aacha nai lagata vo dikhane mein par gata to aacha hi hai. ganji aise nai karavate, humare yaha to apshagun hota hai. chalo, mujhe kya main to gana bata deta hoon apko:
’ o yaara yahi dosti hai,
kismat se jo mili hai,
jab sang chale,
tab rang jame,
chalate rahe yu sada
ho o o o’
yeh bahut jor se gaya hai gana, chilla-chilla ke, par bahut aacha lagata hai sunane mein mujhe.
arre yaron, dosti, bari hi haseen hai,
yeh na ho to kya fir, bolo yeh zindagi hai,
koi to dilbaar ko yaar,
be garaz, tera ho yaar(ya pyar),
ten ten ten ten(guitar bajata hai aise fir)’
mujhe guitar bahut aacha lagata hai es gane mein, gana to itna pasand nai aaya, mujhe dhere gaane pasand nai hai, par guitar bahut aacha laga.
’ yeh dosti hum nai torenge,
torenge dum magar,
tera saath na chorenge’
maine paraso he dekhi sholey, bahut baria hai picture. mujhe bahut aachi lagi, gana bhi aacha hai, aur bike to bahut hee aachi hai, teen pahiyo vaali, ha ha ha, isame koi gir bhi nai sakata.
- aur ek mere papa ka faverate gaana:
’jab koi baat bigar jaye,
jab koi mushkil par jaye,
tum dena saath mera,
o humnava.
na koi hai, na koi tha,
zindagi mein, tumhare siva.
tum dena saath mera,
o humnava a a aa aaa’
papa ko bahut pasand hai, mummy ke samane no kabhi nai gaya, par mujhe sunante hai vo. mummy ko bhi sunana chahiye, unke liye hee to gate hai vo aakhir.
bas chaar hi yaad hai, aapko pata ho to batao aur mujhe
sab ko pyar se aache, se mil ke rehana chahiye, dosto ki mada karni chahiye, freindship day ke din hee nai sirf, hameshs karni chahiye.
tata