Michael Jackson’s death sabhi music lovers ke liye ek sadme jaisi baat hai. Apne dance aur Songs se deewana kar dene waala Jackson apni asli life mein bhi ek rahasay hi tha. Jo uske jeete hue nahi khule aur na hi uske marne ke baad bhi ek myth ki tarah hi rahengai. Jackson apne parents ki nine bacho mein se 5th number par tha.Uska Birth 28 august 1958 ko hua.Michael Jackson MTV ka pehla non white singer tha. Pop king banne ke baad usne plastic surgery karwa kar apna skin black se white karwa liya tha.Usne Islam dhram apna liya tha par apna name Mustafa rakhne se inkaar kar diya tha.Marriage, Love affairs, Divorce, Court cases jaise vaad vivad uske life ka jaise hissa the.
Michael jab bhi stage par Dance karta, Singing karta toh uski body mein flexibility, safoorti aur tezi ka parvah rehta tha. Stage se jaise ek oorja ka parvah audiance ki aur behta lagta tha.Stage part performance karta woh bahut hi sehaj rehta tha.
Aam tor par woh apni black goggles ke peeche kuch chippane ka paryaas karta maloom hota.Uski aankhon se har time masoomiyat, udaasi, gam aur saazish nazar aati thi.Lipstick on his lips uski ander ki ladki jaisi nazakat ko dikhati thi.Kul mila ke woh ek aisa pahali tha joko day by day pechida hoti ja rahi thi. Chhoti umar mei hi jab woh’Talent Hunt Copmetition’ mei jeet gaya tha toh yeh pata lag gaya tha ki yeh ladka aage jaaker kuch banega.Usne apne 5 brothers ko saath laker Jackson- 5 naam ki mandli banai. Baad mei Jackson independently singing karne laga.OFF THEE WALL & Thriller se woh Pop ki uniya ka king bann gaya.Uski pehli album ki 70 lakh copies sale hui. Usko 13 baar Grammy award se sanmanit kiya gaya. Uski total albums ki total sale ab tak 80 crore tak hai.
Fame ki bulandi tak pahunchne waale Michael ki life kabhi bhi normal nahi rahi. Kuch aadmi Fame milne ke baad aur aage badne se inkaar kar dete hai. Shayad isiliye Michael Jackson ki Sangeet ki duniya ka Peter Pan bhi kaha jaata hai. Peter ek aisa character hai joki apne bachpan mei bada hone se inkaar kar deta hai.
Kuch psychologist Michael ki masoomiyat ko uske bachpan se bhi jodte hain. Michael ke father ne uske saath bachpan mei theek bartav nahi kiya tha jiski barpai Michael baad mei saari umar karta raha. Yeh maamla aur bhi pechida ban jaata hai kyonki Micheral par Bachon se badfeli ke ilzaam bhi lagte rahe the.Jiske liye use out of the court kafi big compensation bhi dene pade the.
Michael Jackson ne apne sabhi saati Singer ke saath relation bahut badiya rahe.Uski pehli Marriage Lise Elvis Presely ke saath hui thi.Elizabeth Taylor uski bahut karibi friend thi. Madona se uski bahut ban ti thi. Marlin Munro ki statue usne apne ghar mei laga rakhi thi.Na toh usne kabhi kisi aur singer se eersha ki aur na kisi aur singer ne us se eersha ki.Usne sabki izzat ki aur badle mei bhi us ne Izzat payi.Uske apne Bache hain phir bhi woh out of marriage se bacha paida karta hai.Woh ab bhi ek bacha godh lene ka soch raha tha. Behrin mei usne burka pehan kar apne bachon ke saath shopping ki thi.
Michael Jackson apni health se saari umar preshan raha skin cancer, kidney ke rog. Inke karan hi usne kafi time se koi Album bhi nahi nikaala tha aur na hi manch ke upar gaya tha.Apni death se pehle woh stage par 50 performance karne ja raha tha.
Is tour ka naam tha’THIS IS IT’. Is tour ki sab tickets sold ho chuki thi.Tamam controversies ke chalte bhi log uska show dekhne ko betaab the.July mei shuru hone ja rahe is tour ke baad Michael Jackson ne shayad Stage aur Sangeet ki duniya ko sada ke liye alvida keh dena tha.
Stage aur Music ko alvida kehne se pehle hi uske Dil ne jawab de diya aur kaha
’THIS IS IT.’