Kya bhidu log, pehechana kya?? Are apun waich Murli Shastri bole to Munna !!!!
Last time teen sal pehele jab se apunne aapko goodbye bola na tab se apna dhanda ( bole to logon ko uthane ka, haddi todne ka) ekdum mast chal rahela hai.
Phir ek din Rajkumar Hirani apne pas aaya aur bola ki Munnabhai MBBS pe sequel banane ka hai!! Apun ne to phatak se ha kar diya!!
Ab ye sequel pe apne ko kuch bolne ka hai !! AUR BHAI BOLA SUNO TO SUNANA HI PADEGA!!!
Apun ka dhanda aisa mast chalta hai ke apne ko bas aram hai.Pura kam Circuit (are uske bina to apun aadha hi hai )hi sambhalta hai. Apun mast se samundar kinare baith ke World Space radio sunta hai. Kyun maloom?? Wo radio pe RJ hai na , Janhavi( Vidya Balan) uska aawaz pe apun phida hai!!
Phir 2 October ka din Gandhiji pe radio pe quiz tha. Wo to apun jeet gaya. Are last time MBBS ka ent exam me top kiya na bas wohi idea se is quiz top kiya!!!
Janhavi aur uske baap ko impress karne ke liye bina khaye piye aakha teen din raat apun ne Gandhiji ke bare me har kitab padha.
Phir chamatkar ho gaya baap!! Apne ko Gandhiji dikhne lage!!! Unko sirf apun dekh sakta hai aur koi nahi!! Gandhiji ne apne ko Bhaigiri se Gandhigiri pe laya!!
Yeh ich to Hirani bhai ka full to zakkas sa script hai!! Boss ek baat bolta hai ye Hirani aur producer Vidhu Vinod Chopra me aisa picture banane ka guts hai!!!! Nai to aaj kal Karan Johar jaisa hi picture chalta hai!!!
Apun poora picture ka story nahi bolega nahi to aapko maza nahi aayega!!!!
Story aur sceenplay ekdum kaamal ka hai.
Aur bole dialogues to waa waa!! Abhijat Joshi aur Hirani ne poora bambaiyya hindi isme nichod ke dala hai!!!!
Acting me Arshad Warsi ne Circuit ke role ko kya char chand laga diye hai!!
Apun ki baat dhyan me rakho. Ye Arshad hai na bollywood me bahot upar jayega!!
Ab Bomman Irani ka kya kehena!!!! Are apne ko to sach nahi lagta tha ke ye saala parsi hai.Ek sardar ka full style aur body language marne ka bole to kya joke hai???? Bomman ko apna SALAM!!
Aur ye Bomman ko costume kisne diya hai ?? Kya khaas kapda hai!!Wo laal pyjama jispe peela polka dots hai wo ekdum zakaas hai baap!!!!!
Vidya Balan ko kuch zyada role nahi hai paar dikhti ekdum apne chavi ke maafik!!!!
Apne ko sabse acha scene kaunsa laga maloom?? Jab apun Circuit se maafi mangta hai na tab apun ko sach me rona aaya !! Apko bhi aayega!!!!!!
Aur ek baat . . .
Ye Gandhiji jo apne ko dikhta hai na wo to apne sab me rehte hai . Bas apun unko samajh nahi paate!! UNKE AADARSH PE CHALEGA NA TO APUN SAB KA BHALA HOGA!! Aisa apunko lagta hai!!!
Chal abhi apun jata hai!! KISI AUR KO BHAIGIRI SE Gandhigiri ka raasta dikhne ka hai!!!!