Maut ka khel-Story glimpse- vimal ko jel se bhaga aur fate haal bhookh se vyakul bombey railway station pe bataya jaata hai jahan ki ek marvari use apni jagah railway booking ki line men khade hone ke liye 2 rupiye deta hai.vimal un do rupiyon se pahle khana khane ek hotel me jaata hai.khana khate vimal dekhta hai ki ek lady phone booth men apna purse chhodkar ja rahi thi.Vimal garibi ka maara phone booth me jake hand bag se kuchh note uthakar jeb men daal leta hai tabhi vo lady jo vastutah lady santa gokuldas hoti hai, vapis aa jati hai aur vimal ko pakadwane ki bajay use coffey shop men laakar job offer karti hai.vimal agle din naukari join karta hai aur use pata chalta hai ki lady shanta ne use jaan bujhkar apradhi ke roop me pahchan kar jaal men fansaya tha taki uski madad se vo wheel chair par pade apne apahij pati ka katl karva sakti.(vimal ki job seth gokuldaash jo apahij hote hain ko wheel chair se uthana litana hota hai).Vimal saaf mana kar deta hai to vo use vapis pulis se pakadawane ki dhamaki deti hai.Vimal use kahta hai ki vo 2-4 saal aur jail me kaat lega par vo aisa karegi to vo uski pol jaroor kholega.Lady shanta vimal se nirash hokar, purane naukar basko se milkar apni sauteli beti jo bahar hostel me padhti hai ka rape karva kar marne ka plan banati hai.Vimal sab sun leta hai aur unke aisa karne se pahle hi lady shanta ko sar par pathhar ki murti patak kar maar dalta hai aur uske gale se asli motiyon ka haar nikal leta hai.Use pata chalta hai ki usne khamkhah khun kiya kyonki lady shanta ki pole seth gokul dash ke doctor pe pahle hi khul chuki thi.Vimal seth gokul dash ki motor boat pe bhaag leta hai. Upnyash ki khasiyaten- ye smp sir ka vimal series ka pahla novel tha.Isme kuchh part james hadley chase ke novel just another sucker se prabhavit tha.Lekin smp saab ne apni jadui lekhni se ise bhartiya parivesh me aisa dhala ki ye bahut hi impressive novel ban pada hai.Novel ke start me jo vimal ko fatehaal bataya hai aur usko lady shanta ke jaal me fasana bataya hai vo bilkul vastvik varnan hai.Is novel ke charactors lady shanta gokul daas, Basko, Martha ka jikra aage kai novels me aaya hai.Aur ye patra immortal ho gaye hai.Story plot lekhan shailly ke bare me kahana chahunga ki jaisa natural is novel me events ko hota dikhaya gaya hai vaisa shayad hi koi dusare novel men ho.Katha pravah bada dilchasp aur bandhe rakhne wala hai.Ye mere pasandida upanyasho me se hai aur aapko bhi bahut anand dega. aapka hi(My first review here plz.Pardon me for roman english in next review I will write in hindi.)
Rajesh Parashar