Kabhi Kabhi papa ka mood kharab reheta hai, to vo mummy ko daat dete hai, kehaete hai khaana mein mircha hai, ya namak hai jyada, aur daat dete hai, mummy gussa sneha pe utaar deti hai, ki parai nai karati theek se, ya din bhar ghomati rehati hai, sneha mujh ko daat deti hai, vo to bina vajah hee daat deti hai, koi kaaran bhi nai ho fir bhi. Aab main to sabse chota hoon, to main kisi pe apna gusa to utaar nai sakata - scooby hai, par usko to nai daat sakete. to main jab bahut gusse mein hota hoon to takia le ke diwaar pe maarne lagata hoon, fir thori daer baad gussa thanda ho jata hai, aur kisi ka koi nuksaan bhi nai hota.
Gussa bahut bura hota hai, aacha nai. Sabka nuksaan hi karata hai, fir bhi sab log gussa karate hai. Jab gussa aata hai, to fir to kuch nai kar sakate - isliye -’how to control anger’ to pata nai. Mujhe to jab aata hai to kahi na kahi to nikalana hi parata hai. Ek baar maine sunil ko peet diya tha, vo mera majaak urata reheta tha class mein, to ek din maine peet diya, fir diary mein note aaya ki gattu ne yeh kiya, aur parents ko bulavaya school mein. Mummy ne mujhe bahut data aur mujhe bhi aacha nai laga ki papa mummy ko meri vajah se jana para school. Usake baad maine kabhi kisi se larai nai ki, kyoki mujhe pata laga ki gussa se nuksaan hi hota hai. Sunil se bhi maafi maang i, aur aab humari baat cheet bhi hoti hai, jyada to nai hoti par ho jati hai.
Gussa bahut baad mein aata hai. Isliye shuru mein hi baat cheet kar lo, to accha rehata hai, kyoki ander ander gussa bare to fir larai hi ho jati hai.
Gussa bahut aa raha ho to koi aise cheez pe nikal dena chahiye ki usako asar bhi na pare aur tumhara gussa bhi shaant ho jaye.
Aache aache logo ki kitaab parani chahiye aur unase seekh leni chahiye.
Jisase na bane, usase jyda baat hee nai karani chahiye, kyoki usase jyadatar jhagara hi hota hai.
Kisi ka bura nai sochana chahiye, chahe vo bura soche tumhara, mujhe pata hai ki bahut muskil hota hai aisa karan fir bhi, apani taraf se to poori koshish karani chahiye.
Bare logo ko baccho pe rob nnai jharana chahiye, dadagiri nai karani chahiye, kyoki isase aacha assr nai parata. Kisi ko bhi apne bache ko bina vajah nai datana chahiyt. Haan, agar galati ki ho to daat sakate hai, par kahi ka gussa kahi par nai utarana chahiye.
Ab viral bhi theek ho gaya hai.
sabko khoob sara pyar aur tata. Gussa nai.