Aaj baithe baithe khayaal aaya

Hum iss duniya mein kyun aaye

Kya maksad hai hamaari zindagi ka

Kyun jiye jaa rahe hain

Phir Kitchen se Mummy ke cake banane ki khushboo aayi

TV pe dekha ki John Abraham samudra se nikla

Mobile pe friend ka phone aaya

Aur Tommy dum hilata hua gaud mein baith gaya

Tab laga goli maaro zindagi ke maksad ko

Kyun hum life to complicate karte hain

Family hai, friends hain

Dilli ki sardi mein moti rajai hai

Padhne ke liye Wodehouse hai

Drool karne ke liye hai Shahid Kapoor

Chand dost hain jinse dil ki baat kar sakte hain

Aur shopping malls bhi door nahin

Job aur paise ki problem lagi rahegi

Rishtey toot-te bante rahenge

Ro ke kaun se aam mil jayenge

Chaho to khush rehne ke liye bahut hai yaaron

Aaj hanslo, nachlo, gaalo

Insaan ka janam mushkil se milta hai

Ise roke mat ganwao yaaron