Main budha darakht khud ke astitva ko yaad karta hun

Main yahin gaanv main bara hua

Pehle paudha fir per fir ek bara vrichh bana

Pehle apne ko sinchata hua paaya

Fir wo din bhi aaaya jab meri shakhaon ki chhanv main bacche khelte the

Guriya ne apna bachpan mere chhanv tale khel kar bitaya

Wo raat aaj bhi yaad hai mjhe jab guriya ki shaadi hui thi

Dhol taashon ki aawaj main saara parivar magan tha

Subah ke oski pehli boond ke saath uska vida hona

Gaanv ke logon ka wo fut fut kar rona

Guriya ka wo rote hue kehna mjhe mat vida karo

Main yahan pali is darakht ke neeche khel kar bari hui

Kaise bhul paaungi main wo bachpan jo maine yahan bitaya

Maine khud se ek sawaal puchha ki ye kaisi reet hai

Khud ki hriday ke moti ko khud se hanste hue alag karne ki

Main roya bahut roya lekin meri aawaj koi sunane waala nhn tha

Din bitate gaye ab main budha ho chala tha

Gaanv main log ab waise nahin rahe the

Chhal kapat swarth jaise rogon se grasit ho gaye the log

Na koi kisi ka bhai than a koi kisi ka bandhu

Guriya ki vidai yaad kar ke maine kaha

Achha hua jo tu chali gayi guriya

Bahut takleef hoti tujhe agar tu aaj yahan hoti

Yahan aaj sabhi ek dusre ke jaan ke dushman bane hain

Rishton ke peechhe bhagne waala insaan paison ke peechhe bhagne laga hai

Ab yahan koi kisi ki vidai main nahin rota

Ab to maa baap bhi betiyon ko rin samajh kar vida karte hain

Ab shadi nahn samjhauta hota hai guriya

Main to tang aa gaya hun is swarthy gaanv se

Fir wo ek din aaya jab swarth se ghire logon ne mjhe bejuban ko bhi nahn chhora

Fir mujhe satya ka ehsaas hua ki mrityu hi satya hai

Hanste hu maine khud ko unke aage paros diya

Unko tanik bhi daya nahin aayi mera vadh karte hue

Aaj dharti pe gira para hun main roj mere ang alag ho rahe hain

Koi aag jalane ko le jaata hai koi ghar banane ko

Mujhse koi nahin puchhta ki tumari antim ichha kya hai

Khud ki ichhaon ko man main samete aaj dharti main leen ho raha hun main

Khud ke astitva talaash kabhi na khatam hone waali kahani ban gayi