Jharne ke sangeet si nirmal

Koyal ke kuk ki tarah nirmal

Himalay ke hriday ki tarah vishal

Kavi ke soch ki tarah chanchal

Jo hai varnanatit jo hai udagam is brahmand ki

Aaj usi ke astitva ki koi buniyad nahin

Swarthy insaan ne khud ki janani ko bhi nahin bakhsha

Aaj har ghar main ek abala naari hai

Aaj har ghar main aurat pe julm karnewala atyachari hai

Aaj paida hone se pehle mrityu ko prapt hoti hai aurat

Har yug main kyun agnipariksha deti aayi hai aurat

Ham har vad vivid main naari ke samanta ke adhikar ki baat karte hain

Kyun fir naari ko milne waali har jeet se ham darte hain

Ishwar ke is mahan rachna ko ham sweekarne se kyun darte hain

Kabhi maa kabhi behan kabhi premika ban ke jisne hamara saath nibhaya hai

Kyun har baar agnipariksha dene ka pravdhan sirf aurat ke liye aaya hai

Kyun har baar agni main jali hai aurat

kyun har baar mard aage aur peeche chali hai aurat

Pehle beti ki vidai main hriday ke tukre ke jaane ka dard hota tha

Pehle beti ke janm pe lakshmi ke aane ka harsh hota tha

Ab to beti ke vidai pe hriday bojh ke kam hone se khush hota hai

Ab to beti ke janm pe insaan ko bara bara afsos hota hai

Shuruat karne ki der hai asaamanta pal main chali jaayegi

Kadam to badhao mardon, dekhna auratrupi diya hi tume manzil tak pahunchayegi